Turnover – İşçi axını
Şirkətə qəbul olunan işçilərlə işdən ayrılanlar arasındakı nisbəti əks etdirən göstəricidir. Əgər işə qəbul və xitam halları bərabərdirsə və ya xitam sayı daha yüksəkdirsə, bu, şirkətdə yüksək işçi axınının olduğunu göstərir.
Background – Arxa fon
Namizədin və ya işçinin daha əvvəl çalışdığı şirkətlər, tutduğu vəzifələr, təhsil səviyyəsi və peşəkar təcrübəsini əhatə edən ümumi məlumatlar toplusudur. Həmçinin bioqrafik məlumatlar və həyat tərzi ilə bağlı aspektləri də əhatə edə bilər.
Grading – Qiymətləndirmə sistemi
Təşkilat daxilində vəzifələrin dərəcələr üzrə təsnifləşdirilməsi sistemidir. Bu sistem mövqelərin iyerarxik strukturda yerini, təşkilatın strategiyasını və korporativ mədəniyyətini nəzərə alaraq hazırlanır.
Downsizing – İxtisar
Təşkilatın daha səmərəli və effektiv fəaliyyət göstərməsi üçün işçi heyətinin sayının azaldılması prosesidir. Məqsəd ehtiyacdan artıq işçi sayının optimallaşdırılmasıdır.
Job description – Vəzifə təsviri
İşçinin yerinə yetirəcəyi əsas vəzifələri, məsuliyyətləri, əmək funksiyalarını və gözlənilən nəticələri əks etdirən sənəddir.
Job offer – İş təklifi
Potensial işəgötürən tərəfindən namizədə təqdim edilən rəsmi iş təklifidir. Adətən əmək haqqı, iş şərtləri və vəzifə ilə bağlı detalları əhatə edir.
Approve – Təsdiqləmək
Hər hansı bir qərarın və ya fəaliyyətin rəsmi şəkildə təsdiq olunması və qəbul edilməsi prosesidir.
Recruitment – İşə qəbul
Şirkətin ehtiyaclarına uyğun namizədlərin tapılması, seçilməsi və işə cəlb edilməsi prosesidir.
Recruiter – İşəgötürən mütəxəssis
Namizədlərlə əlaqə saxlayan, müsahibə aparan və onları seçim prosesindən keçirən HR mütəxəssisidir.
Headhunter – İstedad ovçusu
Əsasən digər şirkətlərdə çalışan və açıq şəkildə iş axtarmayan, lakin uyğun profilli namizədləri müəyyən edib onlara iş təklifi edən mütəxəssisdir.
Hold – Vakansiyanı dondurmaq
Namizəd axtarışının və işə qəbul prosesinin müvəqqəti olaraq dayandırılması deməkdir.
Onboarding – Yeni işçilərin adaptasiyası
Yeni işçinin şirkətə inteqrasiyası üçün həyata keçirilən giriş prosesi. Buraya oriyentasiya, sənədləşmə və daxili prosedurlarla tanışlıq daxildir.
Offboarding – İşçinin çıxış prosesi
İşçinin təşkilatdan ayrılması zamanı həyata keçirilən prosedurları əhatə edir: çıxış müsahibələri, avadanlıqların təhvil verilməsi və rəsmi sənədləşmə.
Performance Management – Performansın idarə edilməsi
İşçilərin fəaliyyətinin qiymətləndirilməsi və təşkilat məqsədlərinə çatmaq üçün motivasiyaedici idarəetmə yanaşmalarının tətbiq edilməsidir.
Motivation – Həvəsləndirmə
İşçilərin məhsuldarlığını artırmaq məqsədilə maddi və qeyri-maddi mükafatlandırma üsullarının tətbiq olunmasıdır.
Remote – Uzaqdan iş
İşçinin ofisdən kənarda, məsafədən işləməsi. Bu iş modeli çeviklik və rəqəmsal texnologiyalar əsasında fəaliyyət göstərir.
Time Management – Vaxtın idarə edilməsi
İşlərin səmərəli şəkildə planlaşdırılması, prioritetləşdirilməsi və vaxt çərçivəsində yerinə yetirilməsi üçün istifadə olunan bacarıqlar və metodologiyalardır.
Sourcing – Namizəd axtarışı
Fərqli və bəzən qeyri-ənənəvi kanallar vasitəsilə potensial namizədlərin tapılması prosesidir. İşə qəbulun ilkin mərhələsini təşkil edir.
Soft Skills – Yumşaq bacarıqlar
İnsanlararası münasibətləri, ünsiyyət bacarığı, empatiya, liderlik, vaxtın idarə olunması kimi şəxsi keyfiyyətləri əhatə edir. Ən az texniki bacarıqlar qədər əhəmiyyətlidir.
Hard Skills – Texniki bacarıqlar
Təhsil və peşə hazırlığı nəticəsində qazanılan konkret bilik və bacarıqlardır. Məsələn, proqramlaşdırma, maliyyə hesabatlarının hazırlanması və ya musiqi alətində ifa etmək.
SWOT Analizi (Strengths – Weaknesses – Opportunities – Threats)
Şirkətin və ya fərdin daxili güclü və zəif tərəfləri, həmçinin xarici imkanlar və risklərin təhlilidir. Strategiyanın formalaşdırılmasında istifadə olunur.
Trouble Shooter – Problemləri həll edən mütəxəssis
Mürəkkəb və çətin vəziyyətlərdə sürətli və effektiv qərar verə bilən mütəxəssis. Çətinliklərin aradan qaldırılması üçün xüsusi təcrübəyə sahibdir.
Facilitator – Moderator / Fasilitator
Təlim və ya iclaslarda qrupun məqsədyönlü və səmərəli işləməsini təmin edən şəxs. Diskussiyaların qaydalar çərçivəsində aparılmasına nəzarət edir.
Cold Candidate – Passiv namizəd
Aktiv şəkildə iş axtarmayan, lakin profili vakansiyaya uyğun olan potensial namizəd. İşəgötürənlər tərəfindən birbaşa yanaşma ilə cəlb edilir.
Agile – Çevik idarəetmə modeli
Qısa dövrlər ərzində (sprintlərlə) effektiv nəticələr əldə etməyə yönəlmiş, çevik planlaşdırma və komanda işi prinsiplərinə əsaslanan metodologiyadır. Əsasən İT sahəsində yaranmış olsa da, hazırda digər sahələrdə də geniş tətbiq edilir.
asimos 