Hər bir şirkətin gələcəyi onun insan kapitalıdır.
Amma bəzən unuduruq ki, özünə güvənli işçilər bir vaxtlar özünə güvənli uşaqlar olublar.
İş dünyasında inam, təşəbbüskarlıq və liderlik kimi keyfiyyətlər uşaqlıqda formalaşır — valideyn və cəmiyyətin münasibəti isə burada əsas rol oynayır.
🔹 1. “Səhv etməyə icazə” mədəniyyəti
HR-də tez-tez “səhv edən işçi deyil, səhvindən öyrənən işçi dəyərlidir” deyirik.
Eyni prinsip uşaqlıqda da keçərlidir.
Uşaq hər dəfə bir səhv etdikdə tənqid yox, düzəltmək fürsəti görməlidir.
Əks halda böyüyəndə o, tənqiddən qorxan, təşəbbüs göstərməyən işçiyə çevriləcək.
🔹 2. “Performans yox, səylə motivasiya”
Uşağın yalnız nəticəsinə yox, səylərinə diqqət etmək lazımdır.
HR-də biz işçilərin cəhdlərini də qiymətləndiririk, çünki bu, davamlı motivasiyanı qoruyur.
“Bugün 10 almısan” yox, “Sən çox çalışmısan və inkişaf etmisən” demək onun özünə güvənini möhkəmləndirir.
🔹 3. “Mükafat yox, məqsəd yönümlülük”
Müasir HR yanaşmasında işçiləri təkcə maddi bonuslarla deyil, mənəvi məqsədlərlə də motivasiya edirik.
Uşaqlar da eyni qayda ilə böyüyür.
Əgər hər davranışına qarşılıqda mükafat gözləməyə öyrəşərsə, o zaman “nəticə yoxdursa, hərəkət də yoxdur” düşüncəsi formalaşacaq.
🔹 4. “Tənqid yox, inkişaf rəyi”
HR mühitində “feedback” anlayışı artıq “tənqid” deyil, inkişaf fürsəti kimi qəbul edilir.
Valideyn də uşağa belə yanaşmalıdır:
“Sən bunu səhv etdin” demək əvəzinə “gəlin növbəti dəfə daha yaxşısını sınayaq” demək — inamı sarsıtmır, əksinə, inkişafı təşviq edir.
🔹 5. “Etimad ver, nəzarət yox”
İşçilərə etimad göstərmək onların məsuliyyətini artırır.
Eyni prinsiplə, uşaqlara da öz qərarlarını vermək üçün azadlıq vermək, onlarda məsuliyyət və özünə inam yaradır.
Nəticədə onlar böyüyəndə “mən bacararam” düşüncəsinə sahib olurlar — bu isə iş həyatında ən dəyərli bacarıqdır.
💬 Sön söz
Özünə güvənli uşaqlar böyüdükcə, gələcəyin liderləri, təşəbbüskar işçiləri və empatik rəhbərləri formalaşır.
Bu proses evdə başlayır, amma iş həyatında davam edir.
HR mütəxəssisləri kimi biz həm iş yerlərində, həm də ailədə güvən və dəstək mədəniyyətini formalaşdırmalıyıq.
asimos 